Rute

9 Alora, Boaz el ga dito ai ansiani e a tuta la gente: “Ancoi valtri sì testimònie che compro de Noemi tuto quel che l’era de Elimeleche e tuto quel che l’era de Chilion e de Malon. 10 E anca me marido con Rute, la moabita e védova de Malon. Cossita, la eransa del morto la seitarà nel so nome e i so fradei e le persone dela so cità no i ndarà desmentegarse del so nome. Ancoi valtri sì testimònie.” 12 Che la to fameia la sìpia granda come quela de Peres, el fiol che Tamar la ga dato a Giudà, par meso de dissendenti che Geovà el te darà par meso de questa gióvena.” 13 Cossita, Boaz el se ga maridà con Rute e el ga bio relassion sessuai con ela. Geovà el ga assà che la restesse gràvida e la gavesse un fiol. 14 Alora, le done le ga dito a Noemi: “Geovà el mèrita lode, parché no’l te ga assà sensa un parente par risgatarte. Che tuti i parle del so nome in Israel! 15 Questo toseto el te ga dato la voia de viver nantra volta. Lu el ndarà tenderte quando te restarè vècia, parché lu l’è el fiol dela to nora, che la te ama tanto e la ze meio che sete fioi par ti.” 16 Noemi la ga ciapà el toseto in brasso, e la ga scominsià a tenderlo.