Salmi

62 L’è sicuro, mi speto el aiuto de Dio in silènsio. L’è lu che el ndarà salvarme. 2 Sol lu l’è quel che me tien, quel che me salva, quel che me dà protession. Mi no sarò mai sgorlà del tuto. 6 Sol lu l’è la me ròcia e la me salvassion, el me refùgio sicuro. Mi no sarò mai sgorlà. 7 De Dio che vien la me salvassion e la me glòria. Dio l’è la me ròcia forte, quel che el me protege. 8 Ò pòpolo, fìdate sempre in lu. Pàrlaghe tuto quel che l’è nel to cuor. Dio l’è una protession par noantri. 10 No sté spetar che le robe le ndarà ben se ciapé quel che no l’è vostro o se deventé ladroni. Se vegné siori, no sté fidarve nel capital.