Giuisi

14 Quando Sanson l’è rivà fin Leì, i filistei i ga osà contenti cola so vitòria. In quel momento, el spìrito de Geovà el ghe ga dato poder a Sanson, e le soghe che lighea i so brassi le ze deventade come fili de lino brusadi col fogo e le ze cascade in tera. 15 Dopo, lu el ga catà el osso dela ganassa de un mul che l’era morto fea poco tempo. Lu lo ga ciapà e lo ga doperà par copar mila òmini. 16 Alora, Sanson el ga dito: “Col osso dela ganassa de un mul, go fato un mùcio, due muci. Col osso dela ganassa de un mul, go copà mila òmini.” 17 Quando el ga finio de parlar, el ga butà via el osso dela ganassa de un mul e a quel posto el ga dato nome de Ramate Leì. 18 El ga bio tanta sen e el ga suplicà a Geovà: “Te sì stà ti che te ghè dato questa salvassion al to servo. Ma adesso sarà che vao morir de sen e vao assar che quei che no i ze stati sirconsidadi i me cope?” 19 Alora, Dio el ga fato vegner fora àqua de un buso che ghen’era in Leì. Quando Sanson la ga bevesta, lu el ga bio forsa e coraio nantra volta. Par quela che el ga ciamà quel posto de En-Hacorè, che l’è in Leì fin ancoi.