Mateo

13 Quando lu l’è rivà a Sesarea de Filipe, Gesù el ga domandà ai so dissìpoli: “Le persone le dise che elo chi el Fiol del omo?” 16 Simon Piero el ga rispondesto: “Ti te sì el Cristo, el Fiol del Dio che el vive.” 17 Alora Gesù el ghe ga dito: “Resta contento, Simon, fiol de Giona, parché l’è stà el me Pare nel cielo e nò i òmini che i te ga fato capir questo. 21 De quel tempo avanti, Gesù el ga scominsià a spiegar ai so dissìpoli che el gavaria de ndar a Gerusalen, che i ansiani, i prinsipai sasserdoti e i scribi ndaria farlo sofrir tante cose, e che anca el gavea de esser copà, ma nel terso giorno ndaria ressussitar. 22 Piero lo ga menà de una banda e el ga scominsià a parlar duro con lu: “Gàpia pecà de ti stesso, Signor! Questo no te ndarà mai suceder.” 24 Gesù el ga dito ai so dissìpoli: “Se qualchedun el vol esser me dissìpolo, lu no’l ga de contentar a lu stesso. Invesse, el ga de ciapar el so pal de tortura e el ga de seitar ndar drio a mi. 25 Tuti quei che i vol salvar la so vita i la perderà, ma tuti quei che i perde la so vita par via de mi i la catarà.