1 Samuel

2 Alora Davi l’è ndà domandar a Geovà quel che el pensea: “Go de ndar e lotar contra i filistei?” Geovà el ghe ga rispondesto: “Va, lota contra i filistei e salva la cità de Chèila.” 3 Ma i òmini de Davi i ghe ga dito: “Se ghemo paura qua in Giudà, imaginarsela ndar a Chèila par lotar contra i esèrsiti dei filistei!” 4 Alora, Davi l’è ndà nantra volta domandar a Geovà quel che el pensea. E Geovà el ghe ga rispondesto: “Va do a Chèila parché vao far che te vinsa i filistei.” 16 Alora Gionatan, fiol de Saul, l’è ndato catar Davi in Oresa, e lo ga giutà a fidarse ancora de pi in Geovà. 17 Lu el ghe ga dito: “No stà gaver paura, parché me pare Saul no’l sarà bon de catarte. Ti te sarè el rè de Israel, e mi sarò el secondo dopo de ti. Anca me pare Saul lo sa.” 18 Alora, lori due i ga fato un acordo davanti de Geovà. Dopo, Gionatan l’è tornà casa e Davi l’è restà in Oresa.