Deuteronómio

13 “Pol esser che vien fora de in meso de valtri un profeta o qualchedun che el dise quel che sucederà nel futuro par meso de insogni, e el ve dae un segnal o una professia, 2 e quel che el ga dito sucede. Se lu el ve dise: ‘Ndemo drio a altri dèi’, dèi che no cognossé, ‘e ndemo servir a lori’, 3 no sté scoltar le parole de quel profeta o de quel che dise quel che sucederà nel futuro par meso de insogni. Parché Geovà, el vostro Dio, l’è drio meter valtri a prova par veder se amé a Geovà, el vostro Dio, de tuto el vostro cuor e tuta la vostra ànima.” 6 “Se el to fradel, fiol dela to mare, o el to fiol, la to fiola, la to cara sposa o se el to meio amigo el te dise in segreto: ‘Ndemo servir altri dèi’, dèi che ti e i to antenati no gavé cognossesto, 7 dèi dei pòpoli intorno de ti, sia darente o distante, de una banda dela tera fin quel’altra banda dela tera, 8 no stà assarlo convinserte e no stà scoltarlo. No stà gaver compassion de lu gnanca assarlo farte pecà, e no te ghè de protegerlo. 9 Ma invesse, te ghè pròpio de coparlo. La to man la ga de esser la prima a vegner sora lu par coparlo, e dopo la man de tuto el pòpolo. 11 Alora tuto Israel el ndarà saver sora questo e el restarà con paura, e mai pi el ndarà far una roba perversa come questa intrà de valtri.