2 Timòteo

2 Par quela, me fiol, seita a farte pi forte par meso dela maraveiosa bontà che la ze in Cristo Gesù. 2 Insegna a òmini fedeli le cose che te ghè scoltà de mi e che tante testimònie le ga confermà. E cossita, anca lori i sarà ben pareciadi par insegnarghele ai altri. 3 Come un bon soldado de Cristo Gesù, gàpia la disposission de soportar sofrimento. 4 Gnanca un soldado che el vol la aprovassion de quel che lo ga ciamà a laorar el fà sforso par gaver parte in altre atività comersiai par mantegnerse. 10 Par quela, seito a soportar tute le robe par causa dei scoliesti. Cossita anca lori i pol ricever la salvassion che la vien par meso de Cristo Gesù, insieme cola glòria eterna. 12 Se seitemo tirarse avanti, ndaremo anca governar insieme come rè. 15 Fà tuto quel che te pol par gaver la aprovassion de Dio, come un laorador che no’l ga gnente de invergognarse, che l’è bon de doperar de maniera giusta la parola dela verità. 19 Ma, Dio el ga fato una forte fondassion che la resta firme e che la ga un selo che dise: “Geovà el cognosse quei che i ze soi”, e: “Tuti quei che i invoca el nome de Geovà i ga de fermarse de far quel che l’è rugno”. 20 Nte una casa granda, no ghen’è mia sol vasi de oro e de argento, ma anca de legno e de baro. Arquanti i se dopera par robe importante, ma altri i se dopera par robe vergognose. 21 Quel che el resta distante de persone che le ze come questi ùltimi vasi el sarà come un vaso che l’è doperà par robe importante. Lu el sarà puro, bon par el so paron e ben parecià par tuti i boni laori. 22 Alora, scampa via dele voie che i gióveni i ga, ma sfòrsate par gaver la giustìssia, la fede, el amor e la pace, insieme a quei che i se fida nel Signor con un cuor puro. 23 Ancora, ricusa discussion stùpide e sensa senso parché ti te sè che le porta a barufe. 24 Ma no ghe ocore che el schiavo del Signor el barufe, ma ghe ocore esser manso con tuti, esser bon de insegnar, controlarse quando i lo trata mal 25 e insegnar con brandura a quei che no i ze disposti. Fursi Dio el pol assar che i cambie e i poderà gaver la cognossensa giusta dela verità. 26 Cossita, lori i podarà pensar dela maniera giusta e scampar via dele tràpole del Diaol, che li ga ciapadi par far quel che lu el volea.