2 Rè

13 Geovà el ga seità a avisar le persone de Israel e de Giudà. Par meso de tuti i so profeti e de tuti i so videnti, lu el disea: “No sté pi far cossita! Gavé de far quel che mi ve go comandà. Gavé de obedir a tuta la lege che go dato ai vostri antenati e che ve go fato saver par meso dei profeti, i me servi.” 14 Ma lori no i ga mia scoltà e i ga seità a esser testardi, compagno i so antenati che no i ga bio fede in Geovà, el so Dio. 24 Dopo, el rè dela Assìria el ga portà gente de Babilònia, Cuta, Ava, Amate e Sefarvain, e li ga metesti nele cità de Samaria, nel posto dei israeliti. Lori i ze deventadi paroni de Samaria e i ze ndati de star nele so cità. 33 Cossita, lori i gavea temor de Geovà, ma i adorea i so dèi, de acordo cola religion dele nassion de ndove i era stati menadi.