1 Cróniche
22 Benaia, fiol de Geoiada, l’era un omo de coraio che el ga fato robe de gnanca creder in Cabzeel. El ga copà i due fioi de Ariel, de Moabe. Lu l’è ndato do nte un posso nte un giorno che ghen’era neve e el ga copà un leon. 23 Lu el ga anca copà un egìpsio che l’era tanto grando, alto de pi de 2 metri e 1 palmo. El egìpsio el gavea in man una lansa che se someiea a un silindro doperà par quei che i laora col fil. Ancora cossita, Benaia lo ga infrontà con un baston. Lu el ga cavà via la lansa dela man del egìpsio e lo ga copà con ela. 24 Queste le ze state le robe de gnanca creder che Benaia, fiol de Geoiada, el ga fato. Lu l’era famoso come i tre guerieri valenti 25 e l’era pi cognossesto che i 30 altri guerieri. Ancora cossita, lu no l’è rivà ala posission dei tre. Ma Davi lo ga scoliesto par esser paron dei guardi che i lo protegea.