Salmi

5 Ò, Geovà, me Dio, te ghè fato tante robe! Tuto quel che te ghè fato l’è de maraveiarse e te vol tante robe bone par noantri. Nissun l’è compagno a ti. Mi no saria gnanca bon de parlar de tuto quel che te ghè fato, parché le ze tante robe! 8 Far la to volontà, ò Dio mio, l’è un piaser par mi, e la to lege la ze de star rento de mi. 9 Proclamo le bone notìssie de giustìssia nela granda congregassion. No me tegno de parlar, ò Geovà, ti te lo sè propio ben. 10 No scondo la to giustìssia nel me cuor. Proclamo che te sì fedele e che te sì bon de salvar. Nela granda congregassion, no scondo el to amor leal e la to verità.” 12 Ghen’è massa desgràssie intorno de mi che no son bon de contarle. I me sbali i me fà sofrir tanto che no son gnanca bon de veder la me strada. I ze de pi che el nùmero de cavei dela me testa, e son restà desanimà.