2 Cróniche

34 Giosia el gavea oto ani quando l’è deventà rè, e el ga governà par 31 ani in Gerusalen. 2 Lu el ga fato quel che l’era giusto ai oci de Geovà e el ga fato compagno el so antenato Davi. Lu no’l ga desobedio ai comandamenti dela Lege. 3 Nel so otavo ano come rè, intanto che l’era ancora un toso, lu el ga scominsià a ndar in serca del Dio del so antenato Davi. Quatro ani dopo, lu el ga scominsià purificar Giudà e Gerusalen. El ga finio fora coi posti de adorassion, coi palanchi sacri, cole imàgine e cole stàtue de metal. 9 Lori i ze ndati fin Ilchia, el prinsipal sasserdote, e i ghe ga dato i soldi che i era stati portadi ala casa de Dio. I leviti che i laorea nei portoni i gavea tolto questi soldi de Manassè, de Efrain, de Giudà, de Bengiamin, de tuti quei che i era de star in Gerusalen e de tuti i altri in Israel. 10 Alora, lori i ga dato i soldi ai paroni de quei che i era drio rangiar su la casa de Geovà. Quei che i laorea nela casa de Geovà i li ga doperadi par rangiar la casa e meterla a posto. 11 I ga dato ai laoradori e a quei che i fea bei laori cole man i soldi par comprar sassi taiadi e legno par far sataroni par far su i posti che i rè de Giudà i gavea assà rovinar. 14 Quando i era drio tor i soldi che i ze stati portadi ala casa de Geovà, el sasserdote Ilchia el ga catà el libro dela Lege che Geovà el gavea dato par meso de Moisè. 18 Safan, el secretàrio, anca el ga dito al rè: “El sasserdote Ilchia el me ga dato un libro.” E Safan el ga scominsià a lederlo al rè. 19 Intanto che el rè el scoltea le parole dela Lege, lu el ga sbregà la so roba. 20 Alora, el rè el ga ordinà a Ilchia, a Aicon, fiol de Safan, a Abdon, fiol de Mica, a Safan, el secretàrio, e a Asaia, servo del rè: 21 “Fé una roba par mi e par quei che ancora ghen’è in Israel e in Giudà. Ndé domandar a Geovà sora le parole de questo libro che l’è stà catà. Geovà l’è tanto cativo con noantri parché i nostri antenati no i ga mia obedio le parole de Geovà e parché no i ga fato tuto quel che ghen’è scrito in questo libro.”