Esdra

6 Cossita valtri, Tatenai, governador dela region al oeste del rio Eufrate, Setar-Bosenai e quei che i ze con valtri, che i laorea par el governo al oeste del rio Eufrate, no sté intrigar el so laoro. 7 No sté mia meterve nela costrussion dela casa de Dio. El governador e i ansiani dei giudei i ndarà far su nantra volta questa casa de Dio nel medèsimo posto che la era vanti. 8 Anca, son drio darve una òrdine sora quel che valtri gavé de far par che questi ansiani dei giudei i possa far su questa casa de Dio: Par no fermar la costrussion, valtri gavé de pagar i guasti coi soldi del tesoro del rè che se tol su col imposto dela region al oeste del rio Eufrate. 9 E tuto quel che ghe ocore el sarà dato a lori tuti giorni, sensa che manche — vedei, bechi e piégore par le oferte brusade al Dio del cielo, anca formento, sal, vin e oio, de acordo con quel che i sasserdoti in Gerusalen i dise —, 10 par lori far le oferte che ghe piase al Dio del cielo come ghe vol e par lori far orassion par la vita del rè e dei so fioi. 11 Anca mi ve dao la òrdine che, se qualchedun desobedir questo decreto, che lu el sìpia picà su nte un sataron tirà via dela so casa, e che la so casa la sìpia tornada nte una latrina pùblica par causa del so crime. 12 E che el Dio che el ga fato el so nome esser de star lì el trae do i rè o i pòpoli che i desobedisse questa òrdine e destruser questa casa de Dio in Gerusalen. Mi, Dario, ve dao questa òrdine. Che ela la sìpia obedida suito.” 22 Par sete giorni, lori i ga selebrà con alegria la Festività dei Pan sensa Levà, parché Geovà li ga fati restar contenti e parché lu el ga fato che el cuor del rè dela Assìria el fusse in favor de lori. Cossita, el rè li ga giutadi nela òpera dela casa del vero Dio, el Dio de Israel.