Proverbi

3 Me fiol, no stà mia desmentegarte dei me insegnamenti, E che el to cuor el obedisse ai me comandamenti, 3 No stà mai assar de esser leal e fedele. Te ghè de ligar queste robe nel col e scriverle nela tola del to cuor. 4 Alora te gavarè la aprovassion de Dio e dei òmini, e lori i vederà che te ghè el saver. 5 Fìdate in Geovà de tuto el to cuor, no stà fidarte nel to pròpio saver. 6 Ricòrdate de Dio in tuto quel che te fè e lu el ndarà mostrarte quala che la ze la strada giusta. 9 Daghe onor a Geovà cole to robe de valor, cola meio parte de tuta la to racolta. 10 Alora i vostri paioi i restarà pròpio impienisti, e i vostri torci i se spanderà de vin novo. 13 El omo che el ga sabedoria e el omo che el ghe vede rento i ze felici. 14 Guadagnar sabedoria l’è meio che guadagnar argento e riceverla l’è meio che ricever oro. 15 Ela la ga de pi valor che i corai, e gnente de quel che te vol el ga de pi valor che la sabedoria. 16 Nela so man drita ghen’è tanti ani de vita, e nela so man sanca ghen’è richesse e glòria. 17 Tute le so strade le ze bone e in tute le so strade ghen’è pace. 18 Ela la ze come una pianta che la dà vita par quei che i se sforsa de gaverla, e quei che i la tien i ze felici. 21 Me fiol, no stà desmentegarte de queste robe. Protege la sabedoria e la capassità de pensar, 22 quei lì te darà la vita. E i sarà come una bela roba che se mete nel col. 27 No stà assar de far el ben a quei che te ghè de farlo, se te sì bon de giutar. 28 No stà dir al to pròssimo: ‘Va via, torna dopo! Te darò qualcossa doman’, se te pol darghe qualcossa adesso.” 32 Parché Geovà el òdia quei che no i ze de fidarse, ma el ga una forte amicìssia con quei che i ze giusti.