Luca

12 Dopo, lu el ga dito al omo che lo gavea convidà: “Quando te vè convidar qualchedun par vegner magnar de mesdì o ala sera, no stà convidar i to amighi, to fradei, quei dela to fameia o i to visigni siori. Parché lori i podaria convidarte e come che pagarte indrio quel che te gavei fato. 13 Invesse, quando te vè convidar qualchedun par vegner magnar, convida quei che i ze poareti, desgrassiadi, soti e orbi. 14 Cossita, te sarè felice parché no i ga gnente par pagarte indrio. Ma Dio el ndarà ricompensarte nela ressuression dei giusti.” 27 Se qualchedun el vol esser me dissìpolo, lu el ga de portar el so pal de tortura e far come mi. Se lu no’l fà questo, lu no’l pol esser me dissìpolo. 28 Par esémpio, quando qualchedun el vol far su una tore, vanti el se senta e el pensa quanto el va guastar par veder se el ga i soldi par finir el laoro, mia vera? 29 Senò, el podaria far el fondamento e dopo no esser mia pi bon de finirla. Quei che i lo varda i podaria riderghe drio 30 e i podaria dir: ‘Questo omo el ga scominsià a far su la tore ma no l’è stà mia pi bon finirla.’ 31 O quando un rè con 10.000 soldadi el ga de lotar contra nantro rè che el ga 20.000 soldadi, vanti de lotar el se senta do e el domanda consili dei altri par saver se lu l’è bon de vinser la guera, mia vera? 32 Alora, se lu el vede che no’l sarà bon de lotar, intanto che quel altro rè l’è ancora distante el manda òmini par rapresentarlo e far un acordo de pace. 33 Cossita, valtri podé esser sicuri che nissun de valtri i pol esser me dissìpolo sensa prima abandonar tute le so robe materiai.