Eclesiasti

2 L’è meio ndar nte una casa ndove ghen’è luto che ndar nte una casa ndove ghen’è festa, parché la vita de tuti la se finisse cola morte, e quel che l’è vivo el ga de pensarghe sora. 8 La maniera che una roba la se finisse la ze meio che la maniera che la ga scominsià. L’è meio mostrar passiensa che esser arogante. 9 No stà mia ofénderte suito, parché l’è el cuor dei stùpidi che el se ofende. 10 No stà mia dir: “Parché che i giorni de sti ani i era meio che ancoi?” Parché se te domandi questo, mostra che no te ghè sabedoria. 12 Parché la sabedoria la ze una protession, compagno i soldi i ze una protession. Ma la cognossensa la ze meio parché la sabedoria la assa vivi quei che i la ga. 16 No stà esser massa giusto e gnanca esser massa sàbio. Parché rovinar a ti stesso? 17 No stà esser massa rugno gnanca bauco. Parché te gavarissi de morir vanti del tempo? 18 L’è meio scoltar un dei consili, ma sensa assar de darghe atension al altro. Parché quei che i teme a Dio i ndarà obedir tuti i due. 20 Parché no ghen’è gnanca un omo giusto nela tera che el fae sempre quel che l’è bon e che mai el sbàlie. 21 No stà gnanca badar tuto quel che i altri i dise, senò te podarissi scoltar che el to servo el parla mal de ti. 22 Parché, quando te ghe pensi ben, te sè che tante volte anca ti te ghè parlà mal dei altri.