2 Cróniche

2 Asa el ga fato quel che l’era bon e giusto ai oci de Geovà, el so Dio. 3 El ga tirà via i altari dei dèi stranieri e i posti ndove i adorea falsi dèi. El ga finio fora cole colone sacre e el ga trato do i palanchi sacri. 6 Lu el ga fato su forte cità in Giudà, parché ghen’era pace lì. E in tuti quei ani, nissun ga fato guera contra lu parché Geovà el ghe gavea dato pace. 7 Lu el ga dito a Giudà: “Ndemo far su queste cità con muri e tore intorno e portoni ben saradi. Questa tera ancora la ze nostra parché semo ndati in serca de Geovà, nostro Dio. Noantri semo ndati in serca de lu e lu el ne ga dato pace dei nemighi intorno de noantri.” Cossita, lori i ze stati boni de far su queste cità. 9 Dopo, Zerà, el etìope, l’è vegnesto contra lori con un esèrsito de 1 milion de òmini e 300 cari de guera, e lu l’è rivà a Maressa. 10 Cossita, Asa l’è ndà lotar contra lu, e lori i se ga parecià par la batàlia nel vale de Zefata, in Maressa. 11 Alora, Asa el ga suplicà a Geovà, so Dio, e el ga dito: “Ò Geovà, no fà mia difarensa par ti se quei che ti te giuti i ze tanti o se i ze fiachi. Giùtane, ò Geovà, nostro Dio, parché se fidemo in ti, e l’è nel to nome che semo vegnesti contra questa mùcia de gente. Ò Geovà, te sì el nostro Dio. No stà assar che gnanca un omo el se mostre pi forte de ti.” 12 Cossita, Geovà el ga fato Asa e i òmini de Giudà vinser i òmini dela Etiòpia, e lori i ze scampadi via. 13 Asa e el esèrsito che l’era con lu i ze ndati drio a lori fin Gerar e i ga copà i òmini dela Etiòpia fin che tuti i ze morti, parché Geovà el ga giutà el esèrsito de Asa a vinserli del tuto. Dopo, i òmini de Giudà i ga ciapà tante robe che le ga vansà dela guera.