Gioani

12 “Ancora go tante robe de dirve, ma adesso sò che valtri no sì mia boni de capirle. 13 Ma quando el spìrito dela verità el vegnarà, el ve giutarà a capir tuta la verità. Parché no’l ndarà parlar quel che el vol, ma el parlarà quel che el scolta e el ve dirà le robe che sucederà. 23 Quel di, valtri no ndaré domandarme gnente. Mi son sicuro de dirve che, se domandé al Pare qualcossa nel me nome, lu el ve la darà. 24 Fin adesso no gavé domandà gnente nel me nome. Domandé, alora ndaré ricever. Cossita saré contenti del tuto. 26 In quel giorno valtri ndaré domandar al Pare par meso del me nome. E questo no vol dir che vao domandar par valtri. 27 El Pare el ve vol ben, parché valtri me volé ben e credé che l’è stà Dio che el me ga mandà. 32 Scolté! Vien la ora, e la ze belche rivada, che valtri saré spaiadi e cada un de valtri el tornarà casa. Valtri ndaré assarme mi sol. Ma no son mia mi sol, parché el Pare l’è con mi. 33 Mi ve go dito queste robe, cossita podaré gaver pace par meso de mi. Valtri ndaré tribolar nel mondo, ma coraio! Mi go vinsesto el mondo.”