Gioani

17 Dopo che Gesù el ga dito queste robe, lu el ga vardà su al cielo e el ga dito: “Pare, l’è rivà la ora. Fà el to fiol gaver glòria e cossita el to fiol el darà glòria a ti. 2 Te ghe ghè dato poder sora tute le persone, cossita lu el podarà dar vita eterna a tute le persone che te ghe ghè dato. 3 Par gaver la vita eterna, le ga de cognosser a ti, el ùnico vero Dio, e a quel che te ghè mandà, Gesù Cristo. 4 Mi te go glorificà qua nela tera parché mi go finio el laoro che ti te me ghè dato par far. 5 E adesso, Pare, glorificame ala to banda cola glòria che mi gavea vanti del mondo esister. 6 Mi go fato cognosser el to nome ai òmini che ti te me ghè dato del mondo. Lori i era toi, e ti te ghè dato lori a mi, e lori i ga obedio ala to parola. 11 “No son pi nel mondo, ma lori i ze nel mondo e mi vao tornar a ti. Santo Pare, tendi de lori par causa del to nome, el nome che te me ghè dato. Cossita lori i sarà unidi, come mi e ti semo unidi. 12 Quando ero insieme con lori, mi li tendea par causa del to nome, el nome che te me ghè dato. Mi li go protegesti e gnanca un l’è stà perso, sol el fiol dela destrussion par realisarse quel che la Scritura la disea. 14 Mi ghe go dato la to parola, ma el mondo li ga odiadi, parché lori no i fà parte del mondo, come anca mi no fao parte del mondo. 15 “No te domando de tirarli via del mondo, ma de tenderli par causa del Perverso. 16 Lori no i fà parte del mondo, cossita come mi no fao parte del mondo. 17 Santifìcali par meso dela verità. La to parola la ze la verità. 20 Te domando nò sol par lori, ma anca par quei che i ga fede in mi par meso de quel che lori i insegna. 21 Prego che i sìpia un, pròpio come ti, Pare, te sì in union con mi e mi in union con ti. Che anca lori i sìpia in union con noantri. Cossita tuti quanti i crederà che ti te me ghè mandà. 22 Ghe go dato la glòria che te me ghè dato, cossita lori i podarà esser un, compagno noantri semo un. 26 E mi go fato cognosser el to nome a lori e lo farò cognosser. Cossita el amor che ti te me ghè amà el sarà con lori, e mi sarò in union con lori.”