Salmi

3 L’è stà i nostri pari che i ne ga contà le robe che ghemo scoltà e che cognossemo. 4 No assaremo de contarghele ai nostri dissendenti. Ndaremo parlar ala pròssima generassion quel che Geovà el fà che mèrita lode, la so forsa e le robe maraveiose che el fà. 5 Lu el ga dato un testimònio a Giacò e el ga fato una lege in Israel. El ga mandà che i nostri antenati i insegnesse queste robe ai so fioi. 6 Cossita, la pròssima generassion, o sia, i fioi che no i era gnancora nassesti, i podaria saverle. Alora anca lori i podaria contarghele ai so fioi. 24 Lu el ga fato vegner do del cielo manà par magnar. Cossita, lori i ga magnà sereai del cielo. 25 Òmini i ga magnà el pan dei àngeli. Lu el ghe ga mandà magnar che ghe bastea. 40 Quante volte i ze ndati contra lu nel deserto e i lo ga fato sentirse disgustà nel deserto. 41 Una volta drio man i ga metesto Dio a prova e i ga disgustà el Santo de Israel. 70 El ga scoliesto Davi, so servo, e lo ga tirà fora de intrà le piégore 71 e de tender de quele che dea de ciuciar ale piegorete. Lu lo ga fato pastor de Giacò, so pòpolo, e de Israel, so eransa. 72 Davi el ga tendesto de lori con lealtà e de tuto el cuor, e li ga menadi con tanta abilità.