Romani

15 Noantri che semo forti ghemo de portar le fiachesse de quei che no i ze mia forti, e no far contenti noantri stessi. 2 Tuti noantri ghemo de far contento el pròssimo par el so ben, par giutarlo a tirarse su. 3 Gnanca el Cristo el ga fato contento si stesso, ma come che l’è scrito: “Le brute parole de quel che el te dise su le ze ritornade sora mi.” 4 Tuto quel che l’è stà scrito nel passà l’è stà scrito par insegnarne, cossita par meso dela perseveransa e del consolo dele Scriture noantri ghemo speransa. 5 Adesso, el Dio che el dà perseveransa e consolo el ve fasse pensar compagno Gesù Cristo el pensea, 6 cossita valtri glorifiché in union e con una sola voce el Dio e Pare del nostro Signor Gesù Cristo. 7 Alora gavé de acetarve un al altro compagno el Cristo el ve ga acetà, par darghe glòria a Dio. 8 Infati mi digo che Cristo l’è deventà ministro dei giudei par dimostrar che Dio el dise sempre la verità e par confermar le promesse che Dio el gavea fato ai so antenati, 9 e parché le nassion le dae glòria a Dio par via dela so compassion. Come che l’è scrito: “Par quela che te ricognosserò davanti de tute le nassion e cantarò lodi al to nome.” 10 E ancora ga dito: “Sté contente, nassion col so pòpolo.” 11 E nantra volta: “Lodé Geovà, tute le nassion e tuti i pòpoli gavé de lodarlo.” 12 E ancora Isaia el dise: “Ghen sarà la radisa de Gessè, quel che el vegnarà par governar le nassion; in lu le nassion le meterà la so speransa.” 13 Che el Dio che el dà speransa el ve fae gaver tuta la alegria e la pace par via dela vostra confiansa in lu. Cossita valtri podaré gaver tanta speransa gràssie al poder del spìrito santo. 14 Me fradei, mi son sicuro che valtri sì pieni de bontà e de cognossensa, e sì boni de insegnarve un al altro. 15 Ma ve go scrito con tanta sinsierità sora arquante robe parché valtri podé ricordarve nantra volta. Lo fao par via dela maraveiosa bontà che Dio el me ga mostrà 16 parché mi son un servo pùblico de Cristo Gesù par predicar le bone notìssie de Dio intrà le nassion. Mi fao questa santa òpera parché le nassion le sìpia una oferta che ghe piase a Dio, santificada col spirito santo. 25 Ma son drio pareciarme par el viaio a Gerusalen par servir i santi. 26 Parché i fradei dela Macedonia e dela Acaia i ga dato de bona volontà quel che i gavea par giutar i santi in Gerusalen che i ze poareti. 27 I ze stati contenti de farlo e ancora de pi che i gavea un dèbito con lori. Infati se i fradei de Gerusalen i ga spartio le so robe spirituai coi giudei, anca questi i ga de giutarli cole so robe materiai. 33 Che el Dio che el dà pace el sìpia con tuti valtri. Amen.