Filipensi

2 Gàpie la medèsima maniera de pensar e el medèsimo amor, sìpie unidi, e gàpie el medèsimo pensamento. Cossita faré che la me alegria la sìpia completa. 3 No sté far gnente con competission e gnanca pensando sol in quel che l’è meio par valtri. Ma gavé de esser ùmili e pensar che i altri i ze pi importanti che valtri. 4 No sté preocuparve sol con quel che valtri volé, ma anca con quel che i altri i vol. 5 Seité a gaver la medèsima maniera de pensar che Cristo Gesù el gavea. 6 Anca se el gavesse la forma de Dio, no’l ga mai pensà de ciapar el so posto, o sia, de esser compagno a Dio. 7 Pitosto el ga assà de banda tuto quel che el gavea, l’è deventà un schiavo e l’è vegnesto come un omo. 8 Ancora par sora, quando l’è vegnesto come un omo, el se ga umilià e l’è restà obediente fin ala morte, si, la morte nte un pal de tortura. 9 Par quela, Dio lo ga metesto nte una posission ancora pi importante e, con bontà, el ghe ga dato un nome pi importante de tuti i altri. 10 Cossita, in nome de Gesù, tuti quei che i ze nel cielo, nela tera e soto tera i ga de indenociarse 11 e i ga de mostrar de maniera ciara che i aceta che Gesù Cristo l’è Signor, par la glòria de Dio, el Pare. 12 Cossita come gavé sempre obedio, . . . seité laorar con temor e tremor par la vostra salvassion. 13 Parché Dio l’è drio darve la forsa par far quel che lu el vol. Cossita, lu el ve dà la voia e anca el poder de farlo. 17 Ma, anca se mi son stà trato par sora come una oferta sora el sacrifìssio e sora el servìssio sacro che vien dela vostra fede, mi son contento e me alegro con tuti valtri. 19 Se el Signor Gesù el vol, vao suito mandarve Timòteo. Cossita vao esser incoraià de saver notìssie de valtri. 20 Parché no go nissun altro cola disposission compagna ala soa. Lu el ve tenderà pròpio ben. 21 Parché tuti i altri i ze drio ndar in serca dei so interessi, nò dei interessi de Gesù Cristo. 22 Ma valtri savé che lu el ga dimostrà el so valor. Come un fiol insieme so pare, lu el ga laorà come un schiavo insieme de mi nela predicassion dele bone notìssie.