Proverbi

15 Una risposta bondosa la fà la persona restar pi calma, ma una parola che la fà mal la fà vegner su la ràbia. 9 Geovà el òdia come la persona rugna la se comporta, ma el ama quel che se sforsa par far quel che l’è giusto. 15 Tuti i giorni de quel che el patisse i ze rugni. Ma quel che l’è alegre de cuor el ga sempre una festa. 18 El omo che el resta suito cativo el fà vegner fora barufe, ma quel che el ga passiensa el fà finirse la discussion. 22 Quel che te vol far no’l ndarà ben se no te parli coi altri. Ma ghen sarà boni resultadi se te scolti consili. 23 Quel che el dà una risposta giusta el resta contento, e l’è tanto bon quando una persona la parla una parola nel tempo giusto. 28 La persona giusta la ghe pensa sora nel cuor vanti de risponder, ma dela boca dela persona rugna vien fora sol robe brute. 29 Geovà l’è distante dei rugni, ma el scolta la orassion dei giusti. 32 Quel che no’l aceta la dissiplina no’l ghe dà mia valor ala so vita. Ma quel che el scolta quando i ghe dà coression el deventarà pi sàbio. 33 El temor de Geovà insegna la persona a gaver sabedoria, e vanti dela glòria vien la umiltà.