Proverbi

5 Le idee del cuor de un omo le ze come àque fonde, ma el omo che l’è bon de capir el sa come farle vegner fora. 7 El giusto l’è fedele in tute le robe. I so fioi i sarà felici. 8 Quando el rè el se senta nel trono par giulgar, el varda tuto con atension par poder finir fora coi rugni. 12 La récia che scolta e el òcio che vede, l’è stà Geovà che li ga fati tuti i due. 14 Quel che el vol comprar el dise: “No l’è mia bon, no l’è mia bon!” Alora, el va via e el se spròsia del negòssio che el ga fato. 18 Quando te domandi consili prima, quel che te vol far ndarà ben. No stà mia ndar ala guera sensa prima domandar boni consili. 21 Un capital che nel scomìnsio se fà con ganànsia nel fin no’l sarà una benedission. 25 L’è una tràpola par el omo dir massa svelto: “L’è sacro!” e sol dopo pensar nela promessa che el ga fato. 29 Quel che l’è bel nei gióveni l’è la so forsa, e la glòria dei veci la ze i so cavei bianchi.