Esdra

6 Questo Esdra l’è vegnesto de Babilonia. Lu el gavea el laoro de far còpie e el gavea granda cognossensa dela Lege che Geovà, el Dio de Israel, el gavea dato a Moisè. El rè el ghe ga dato tuto quel che lu el ga domandà, parché la man de Geovà, el so Dio, l’era sora lu. 7 Ghen’era israeliti, sasserdoti, leviti, cantori, porteri e servi del témpio che i ze vegnesti su a Gerusalen nel sètimo ano del rè Artasserse. 10 Esdra el gavea parecià el so cuor par studiar la Lege de Geovà, par méterla in pràtica e par insegnar i so decreti e giulgamenti in Israel. 27 Lodé a Geovà, el Dio dei nostri antenati, che el ga metesto rento el cuor del rè la voia de far bel el témpio de Geovà in Gerusalen. 28 E lu el me ga mostrà amor leal davanti del rè, de quei che i ghe dea consili e dei poderosi prìnsipi del rè. Alora, go visto che Geovà, el me Dio, l’era con mi. Par quela, me go fato coraio e go ciamà arquanti dei paroni de Israel par vegner insieme de mi.