Marco
3 Lu l’è ndato rento ala sinagoga nantra volta e lì ghen’era um omo cola man desgrassiada. 2 Alora, le persone le era atente se lu ndaria curar quel omo nel sabo, parché le volea acusarlo. 3 Gesù el ga dito par el omo cola man desgrassiada: “Levate su e vien qua in meso.” 4 Dopo, lu el ga domandà a quele persone: “De acordo cola Lege, nel sabo se pol far el ben o far el mal, salvar una vita o copar?” Ma lori i ze restadi siti. 5 Gesù l’è restà tanto cativo e disgustà parché no ghe fea pecà a lore veder quel omo cossita. Alora, el ga dito al omo: “Stira la to man.” Lu la ga stirada e l’è stà curà. 6 I farisei i ze ndati via, e suito i se ga metesti de acordo con quei che i era dela banda de Erode par copar Gesù. 7 Ma Gesù l’è ndato fin el mar coi so dissìpoli, e tanta gente dela Galilea e dela Giudea i ghe ndea drio. 8 Quando i ga sentio dir sora le tante robe che lu el fea, una mùcia de gente la ze vegnesta catarlo, fin persone de Gerusalen, dela Idumea, de quelaltra banda del Giordon e dele region intorno de Tiro e Sìdon. 10 Gesù el curea a tante persone. Par quela, tuti quei che i gavea brute malatie i se imuciea intorno de lu par tocarlo. 11 Anca i demoni i se indenociea davanti de lu sempre che i lo vedea. Lori i osea: “Ti te sì el Fiol de Dio.” 12 Ma tante volte, Gesù ghe proibia de dir ai altri chi che lu l’era. 13 Lu l’è ndà su a un monte e el ga ciamà quei che el gavea scoliesto, e lori i ze ndati fin lu. 14 Alora, lu el ga fato un grupo de 12 e el ghe ga ciamà de apòstoli. Lori i ndaria insieme a Gesù e lu li mandaria predicar, 15 e i gavaria autorità par parar via demoni. 16 E nel grupo de Dódese òmini che el ga fato ghen’era Simon (che el ga ciamà anca de Piero), 17 Tiago, fiol de Zebedeo, Gioani, fradel de Tiago (che li ga ciamadi anca de Boanerges, che vol dir “fioi del tron”), 18 Andrè, Filipe, Bartolomeo, Mateo, Tomè, Tiago, fiol de Alfeo, Tadeo, Simon, el Cananita, 19 e Giuda Iscariote, che dopo lo ga tradio. Alora Gesù l’è ndà rento una casa, 21 Ma, quando i so parenti i ga savesto quel che l’era drio suceder, i ze ndati ciaparlo, parché i disea: “Lu l’è deventà mato.” 30 Gesù el ga dito questo parché lori i disea: ”Lu el ga un demònio.” 35 Tuti quei che i fà la volontà de Dio l’è me fradel, me sorela e me mare.”