2 Samuel

2 Nte un giorno, rente sera, Davi se ga levà su del leto e l’è ndà caminar nel terasso dela casa del rè. De là su, lu el ga visto una dona tanto bela drio lavarse. 3 Davi el ga mandà qualchedun ndar in serca par saver chi che l‵era quela dona, e el ga dito a Davi: “La ze Bate Seba, fiola de Elion, la dona de Uria, el itita.” 4 Alora Davi el ga mandà che i ghe la menesse. Ela la ze vegnesta e la se ga butà do con lu (questo ga sucedesto quando ela la era drio netarse dela so impuressa). Dopo ela la ze ritornada casa.