Romani

1 Paolo, schiavo de Gesù Cristo, ciamà par esser apòstolo, scoliesto par proclamar le bone notìssie de Dio, 2 che lu el gavea prometesto nele sacre Scriture par meso dei so profeti, 3 e che le ze sora el so Fiol, che secondo la carne l’è vegnesto dela dissendensa de Davi, 4 ma che, secondo el spìrito de santità, con poder l’è stà ciamà de Fiol de Dio, par meso dela ressuression dei morti (Gesù Cristo, el nostro Signor, 5 par meso de lu l’è stà mostrà bontà a noantri e ghemo ricevesto el onor de esser apòstoli, cossita ghen sìpia intrà tute le nassion obediensa che vien dela fede par glòria del so nome 6 e intrà le nassion anca valtri sé stati ciamadi par esser de Cristo), 7 a tuti quei che i ze in Roma, che Dio el ama e che i ze ciamadi par esser santi: Vui che gàpie la maraveiosa bontà e la pace de Dio, nostro Pare, e del Signor Gesù Cristo. 8 Come prima roba, mi ringràssio al me Dio par meso de Gesù Cristo par tuti valtri, parché se parla dela vostra fede in tuto el mondo. 9 Dio, a chi mi dao sacro servìssio col me spìrito proclamando le bone notìssie sora el so Fiol, l’è me testimònia che no me fermo mai de parlar de valtri nele me orassion, 10 e sùplico che de qualche maniera mi sìpia bon par fin de vegner visitarve, se ze la volontà de Dio. 11 Parché vui tanto catarve par spartir con valtri una benedission spiritual che la ve fae restar pi forti. 12 O meio ancora, par incoraiarse un al altro par meso dela nostra fede, tanto la vostra come la mia. 13 Ma, fradei, mi no vui che valtri resté sensa saver che tante volte mi volea visitarve par veder i resultadi dela predicassion de valtri e dele altre nassion; ma no i me ga assà fin adesso. 14 Mi go un dèbito tanto con i grechi come coi foresti, tanto con quei che i ga istrussion come con quei che no i la ga mia; 15 par quela mi son premoso de proclamar le bone notìssie anca a valtri che sì de star in Roma. 16 Mi no go mia vergogna dele bone notìssie, parché le ze el poder de Dio par la salvassion de tuti quei che i ga fede, prima del giudeo e dopo anca del greco. 17 In queste se mostra la giustìssia de Dio par via dela fede e par la so fede, cossita come l’è scrito: “Ma el giusto el viverà parché el ga fede.” 18 Parché la ràbia de Dio la vien del cielo contra tuta la mancansa de rispeto e ingiustìssia dei òmini che i sconde la verità. 19 Parché quel che se pol saver sora Dio l’è ben ciaro intrà de lori, parché Dio lo ga assà ciaro a lori. 20 Le qualità de Dio che le persone no le vede, o sia che el ga un poder eterno e che lu l’è pròpio Dio, le ze mostrade de maniera ciara in quel che el ga fato, dela creassion del mondo avanti. Par quela, lori no i ga mia scusa. 26 Par quela, Dio li ga abandonadi e lori i va drio le so voie sessuai sensa controlo. Le done intrà de lori no le dopera pi el so corpo de maniera natural, ma le va contra quel che l’è natural. 27 Anca i òmini i ga assà de gaver relassion sessuai cole done e i ga scominsià a gaver forte passion un par el altro, òmini con òmini. Lori i fà robe vergognose e dopo i riceve un bel de un castigo par i so sbali. 32 Lori i cognosse tanto ben la dessission giusta de Dio, che quei che i fà queste robe i mèrita la morte. Ancora cossita, i seita farle e anca i aprova quei che i fà queste robe.