Luca

10 Dopo, Gesù el ga mandà altri 70 de due in due. Lu el ga mandà che i ndesse a tuti i posti e a tute le cità che dopo lu el ndaria. 2 Alora, lu el ghe ga dito: “Si, la racolta la ze granda, ma ghen’è pochi laoradori. Par quela, domandé al Signor dela racolta che el mande de pi laoradori par la so racolta.” 6 E, se lì ghen sarà un amigo dela pace, anca lu el gavarà la vostra pace. Ma senò, la pace la tornarà a valtri. 17 Alora i 70 i ze tornadi con alegria e i ga dito: “Signor, fin i demoni i ne obedisse quando doperemo el to nome.” 21 In quela ora, el spìrito santo lo ga fato restar pien de alegria. Alora el ga dito: “Mi te lodo davanti dele persone, Pare, Signor del cielo e dela tera, parché te ghè sconto queste robe dei sabi e dei studiadi e te le ghè mostrà a quei che i ze come i picinini. Si, ò Pare, parché te ga piasesto a ti far cossita. 22 Me Pare el me ga dato tute le robe. Sol el Pare el cognosse el Fiol e sol el Fiol el cognosse el Pare e a quel che el Fiol el vol che i lo cognossa.” 25 Alora, un omo che el cognossea ben la lege el se ga levà su par provarlo e el ghe ga domandà: “Istrutor, cossa che me toca far par gaver la vita eterna?” 26 Gesù el ghe ga dito: “Cossa che la Lege la dise? Cossa ghen’elo scrito?” 27 El omo el ghe ga dito: “‘Ama a Geovà, el to Dio, con tuto el to cuor, con tuta la to ànima, con tuta la to forsa e con tuta la to mente’ e ‘ama el to pròssimo come a ti stesso’.” 28 Lu el ghe ga dito: “Te ghè dito giusto. Seita a far cossita e te gavarè la vita.” 29 Ma el omo el volea mostrar che el fea tuto polito e el ga domandà a Gesù: “Ma alora, chi che l’è el me pròssimo?” 33 Ma un samaritano l’era drio viaiar par quela strada e lo ga catà. Quando lo ga visto, el ghe ga fato pecà. 34 Alora, lu l’è rivà darente, el ga metesto òio e vin sora le so feride e dopo le ga infassade. Dopo, lo ga metesto sora la so bèstia, lo ga menà nte una ospedaria e lo ga tendesto. 35 Nel giorno dopo, el ga tirà fora due denari e li ga dati al paron dela pousada e el ga dito: ‘Tendi de lu e, se te guasti de pi che questo, te pagarò quando mi torno qua.’ 36 Dei tre, qual dei tre el ga dimostrà esser el pròssimo par quel omo che el ga ciapà bote? 38 Intanto che lori i era drio viaiar, lu l’è ndà rento de una pìcola cità. In quel posto, una dona che la gavea nome Marta lo ga ricevesto nela so casa. 39 Ela la gavea anca una sorela che la gavea nome Maria. Maria la se ga sentà ai pié del Signor e la scoltea quel che lu el parlea. 40 Ma Marta no la era atenta parché la gavea tante robe de far. Cossita, la ze ndata darente a Gesù e la ghe ga dito: “Me sorela la me ga assà qua sola con tuto questo laoro. Signor, veto mia dirghe gnente? Dighe che la vegna giutarme.” 41 El Signor el ghe ga rispondesto: “Marta, Marta, te sì ansiosa e preocupada con tante robe. 42 Ma ghemo bisogno de poche robe, fursi sol de una. Maria la ga scoliesto la roba pi importante e no la ndarà pèrderla.”