Gàlati

6 Fradei, anca se un omo el fà un sbàlio sensa nicorderse, valtri che gavé le qualità de acordo col spìrito de Dio gavé de proar indrissar questo omo con brandura. Ma cada un el ga de star atento par anca lu no sbaliar. 2 Seité portar le carghe un dei altri e, de questa maniera, saré drio far de acordo cola lege de Cristo. 3 Se qualchedun el pensa che l’è importante quando che no l’è, l’è drio imbroiar a lu stesso. 4 Ma, stà atento a quel che ti te sì bon de far. Alora, ti te restarè contento con ti stesso e nò in comparassion con nantra persona. 5 Parché cada un el portarà la so pròpia responsabilità. 7 No sté pensar che sì boni de imbroiar a Dio, parché la persona la ndarà tor su quel che la ga piantà do. 8 Parché quel che el semena de acordo cola so carne, el ndarà tor su dela carne la destrussion. Ma quel che el semena de acordo col spìrito, el ndarà tor su del spìrito la vita eterna. 9 Cossita, no stemo mia desister de far quel che l’è bon, parché ndaremo tor su nel tempo giusto, se no desanimemo. 10 Alora, intanto che gavemo oportunità, femo quel che l’è bon par tuti, ma de maniera spessial a quei che par meso dela fede i ze nostri fradei e sorele. 17 De adesso avanti che nissuni pi me cause problemi, parché mi go nel me corpo le marche de un schiavo de Gesù.