Gàlati

7 Valtri eri drio corer ben. Chi che ga proà fermarve de seitar a obedir ala verità? 8 No l’è Quel che el ve ga ciamà che l’è drio proar che valtri fé cossita. 16 Ma mi ve digo: Seité a viver de acordo col spìrito e no ndaré drio a gnanca una voia dela carne. 18 E anca, se l’è el spìrito santo che l’è drio menarve, no sì soto la lege. 19 Se vede le òpere dela carne de maniera ciara. Le ze imoralità sessual, impuressa, condota sensa rispeto, 20 idolatria, spiritismo, mostrar òdio, barufe, gelosia, colpi de fùria, discòrdie, seghir insegni dei òmini, 21 invìdia, bever massa, feste sensa controlo e robe come queste. Mi ve aviso sora queste robe, come ve go belche avisà: quei che i fà queste robe no i ndarà guadagnar el Regno de Dio. 22 Invesse, el fruto del spìrito l’è: amor, alegria, pace, passiensa, bontà, benignità, fede, 23 brandura, autocontrolo. Contra queste robe no ghen’è lege. 25 Se vivemo de acordo col spìrito santo, seitemo anca a comportarse polito de acordo col spìrito. 26 Ghemo de star atenti par no deventar aroganti, gnanca far competission un coi altri o esser invidiosi dei altri.