Proverbi

2 Quel che el fà qualcossa che no’l ga el dirito de far el sarà umilià, ma quei che i sa el so limite i ga sabedoria. 4 Le richesse no le gavarà gnanca un valor nel giorno dela fùria, ma la ze la giustìssia che la salvarà dela morte. 13 El caluniador el va in volta e conta i segreti dei altri, ma quel che se pol fidarse el sa tegnerli. 17 El omo bon el fà el ben a lu stesso, ma la persona rugna la fà el mal a ela stessa. 22 Come un anel de oro nel naso del porco, cossita la ze la dona bela che la fà le robe de maniera stùpida. 24 Ghen’è quel che el dà generosamente e dopo el ga de pi. Nantro no’l vol dar quel che el gavaria de dar e dopo el resta poareto. 25 La persona generosa la gavarà de pi, e quel che incoraia i altri anca lu el sarà incoraià. 28 No ghe ndarà ben a quel che el se fida nele so richesse, ma i giusti i deventarà tanti come le foie de una pianta.