Proverbi

2 Le persone le cata che tuto quel che le fà l’è giusto, ma Geovà el capisse parché le fà le robe. 3 Assa tuto quel che te fè nele man de Geovà, e i to progeti i ndarà ben. 6 Par via del amor leal e dela fidelità el sbàlio l’è perdonà, e par via del temor de Dio la persona la se slontana del mal. 18 El orgòlio el fà la persona cascar, e la arogansia la fà strabucarse. 20 Ndarà ben a quel che el capisse ben una question. 21 Quel che el ga sabedoria nel cuor el sarà cognossesto come un che el capisse le robe, e quel che el parla con bontà l’è pi bon de convinser i altri. 23 El cuor de quel che el ga sabedoria ghe dà comprension ala so boca, e le so parole le ze bone de convinser. 28 El omo che el vol sempre barufar el mete un contra el altro, e el caluniador el rovina la amicìssia intrà boni amighi. 31 I cavei bianchi i ze come una bela corona quando i ze nela strada dela giustìssia. 32 Quel che no’l resta suito inrabià l’è meio che un omo poderoso, e quel che l’è bon de controlarse l’è meio che quel che el vinse una cità.