Salmi

34 Vao lodar a Geovà tuto el tempo. Vao sempre lodarlo coi me lavri. 2 Mi parlarò de Geovà con orgòlio. I mansi i scoltarà e i se sentirà contenti. 3 Vegné con mi par dar onor a Geovà. Ndemo lodar insieme el so nome. 4 Son ndà in serca de Geovà, e lu el me ga rispondesto. Par causa de lu, adesso no go pi paura. 7 El àngelo de Geovà l’è de star intorno de quei che i Lo teme, e el salva a lori. 8 Proé e vedé che Geovà l’è bon. Felice l’è el omo che el va in serca de lu par gaver protession. 10 Fin i leoni forti e gióveni i pol patir la fame, ma no ghe mancarà gnente de bon a quei che i se fida in Geovà. 11 Vegné, me fioi, scoltéme. Mi vao insegnarve come gaver temor de Geovà. 12 Chi che intrà de valtri l’è drio goderse la vita e che el vol viver tanto tempo felice? 13 Alora, no stà parlar robe brute e no stà contar busie. 14 Stà distante de quel che l’è sbalià e fà quel che l’è giusto. Va in serca de far la pace e sfòrsate par gaverla. 15 I oci de Geovà i vede quei che i ze giusti, e le so récie le scolta quando i ghe domanda el so aiuto. 16 Ma Geovà el va contra quei che i fà robe rugne. Cossita, lori no i sarà pi ricordadi. 18 Geovà l’è darente de quei che i ga el cuor pien de tristessa. Lu el salva quei che i ze desanimadi. 19 Le dificoltà del giusto le ze tante, ma Geovà lo salva de tute lore. 20 Lu el protege tuti i so ossi, gnanca un l’è stà spacà. 22 Geovà el risgata la vita dei so servi. Nissuni che se refùgia in lu i sarà condanadi.