Salmi

2 Geovà l’è la me ròcia, la me fortalessa e quel che el me salva. El me Dio l’è come una ròcia, mi vao in serca de protession in lu. Lu l’è el me scudo e el poderoso che me salva, el posto ndove son sicuro. 6 Nela me aflission, go suplicà a Geovà e, intanto che piandea, go domandà aiuto al me Dio. Del so tèmpio, el ga scoltà la me voce e la me sùplica par aiuto la ze rivada fin lu. 8 Del so naso l’è vegnesto su fumassa, e dela so boca l’è vegnesto fora un fogo che brusea fora tuto. De lu l’è vegnesto fora bronse calde. 9 Lu el ga fato el cielo sbassarse intanto che el vegnea do. Ghen’era nùvole tanto scure soto i so pié. 10 Lu l’è vegnesto zolando, montà su nte un cherubin. L’è vegnesto svelto nele ale de un spìrito. 16 De là su el ga stirà la man. El me ga tegnesto e el me ga tirà fora dela àqua profonda. 17 Lu el me ga salvà del me nemigo poderoso, de quei che i me odiea e che i era pi forti de mi. 19 El me ga portà a un posto sicuro. El me ga salvà parché el ghe piasea de mi. 22 Go in mente tute le so lege. Mai vao assar de darghe atension ale so òrdine. 25 Ti te dimostri lealtà con quei che i ze leai. Ti te trati de maniera giusta quei che i fà sforso par esser giusti. 35 Ti te me dè el to scudo de salvassion, te me tien su cola to man drita. La to umiltà la me fà deventar importante. 46 Geovà el vive! Che el sìpia lodà la me Ròcia! Che sìpia dato onor al Dio dela me salvassion!