Salmi

92 L’è bon ringrassiar a Geovà. E cantar par lodar el to nome, ò Altìssimo. 4 Parché te me ghè assà contento, ò Geovà, con quel che te ghè fato. Mi oso de alegria par causa dei laori dele to man. 5 Come che i ze grandiosi i to laori, ò Geovà! Come che i ze profondi i to pensamenti! 7 “Quando i perversi i buta come la erba e quei che i fà cose rugne i fiorisse, l’è par esser destruti par sempre.” 12 Ma i giusti i fiorirà come la palmera e i vegnarà su come el cedro del Lìbano. 13 Lori i ze piantadi nela casa de Geovà. Lori i fiorisse nel cortivo del nostro Dio. 14 Anca quando i vien veci i darà tanti fruti e i seitarà bei e con tanta forsa. 15 Lori i ndarà parlar che Geovà l’è giusto. Lu l’è la me Ròcia, quel che el fà tuto con giustìssia.