Ati dei Apòstoli

2 Intanto che i era drio servir a Geovà e i fea gegiun, el spìrito santo el ga dito: “Ciamé Barnabè e Saulo parché li go scoliesti par un laoro.” 4 Cossita, dopo che el spìrito santo el ga mandà questi òmini, lori i ze ndati do a Seleussia, e de lì i ga ciapà un bastimento fin Cipre. 5 Quando i ze rivadi a Salamina, i ga scominsià a predicar la parola de Dio nele sinagoghe dei giudei. Anca Gioani l’era con lori par giutarli. 15 Dopo de leder in pùblico la Lege e quel che i Profeti i ga scrito, i presidenti dela sinagoga i ghe ga mandà dir: “Òmini, fradei, se gavé qualche parola par incoraiar la gente, parlé.” 17 El Dio de questa nassion, el Dio de Israel, el ga scoliesto i nostri antenati. Lu el ga fato el so pòpolo poderoso intanto che i era de star come stranieri nela tera del Egito. Dopo, li ga tiradi via de là col so brasso forte. 33 Dio el ga realisà questa promessa par noantri, i fioi, quando el ga ressussità Gesù. Come l’è scrito nel secondo salmo: “Ti te sì el me fiol. Ancoi mi son deventà el to pare. 34 Dio el ga prometesto che el ndaria ressussitarlo par mai pi gaver un corpo che se smarsisse quando el ga dito: ‘Mi vao mostrarve el amor leal che go prometesto a Davi, un amor che l’è de fidarse.’ 47 Infati, Geovà el ne ga dato questa òrdine: ‘Mi te go scoliesto come luce par le nassion, par portar la salvassion fin la parte pi distante dela tera.’” 48 Quando le persone dele altre nassion le ga scoltà questo, le ze restade contente e le ga scominsià a dar glòria ala parola de Geovà. E tuti quei che i se ga metesto a posto par guadagnar la vita eterna i ga scominsià a creder. 50 Ma i giudei i ga provocà le done importante che le credea in Dio e anca i òmini pi importanti dela cità. I ga scominsià a perseghir Paolo e Barnabè, e li ga paradi via del so teritòrio. 52 E i dissìpoli i seitea tanto contenti e pieni de spìrito santo.