Marco

23 Quei che ga récie par scoltar, che i scolte.” 24 Anca el ghe ga dito: “Deghe atension a quel che sì drio scoltar. Cola medèsima mesura che mesuré valtri saré mesuradi, e ve sarà dontà ancora de pi. 26 Cossita, lu el ga dito ancora: “Alora, el Regno de Dio l’è come quando un omo el semena le semense nela tera. 27 Lu el dorme de note e el se leva su de matina, e le semense le buta e le piante le vien su grande, anca che no’l sàpia come questo sucede. 28 La tera, ela sola, la produse pin pian: prima vien su el buto, dopo la spiga e par fin el grano mauro nela spiga. 29 Ma quando i grani i resta mauri, li taia col roncon, parché la ze rivada la ora de tor su.” 36 Alora, dopo che le persone le ze ndate via, lori i ga menà Gesù come che lu l’era de barco, e ghen’era anca altri barchi lì darente. 37 Ga scominsià una bruta tempesta e le onde le vegnea sora el barco, e el barco l’era drio restar pien de àqua. 38 Ma Gesù l’era nela parte de drio del barco e el dormia sora el cussin. Lori i lo ga dismissià e i ghe ga dito: “Istrutor, no te sì mia preocupà che ndaremo morir?” 39 Alora, el se ga levà su e el ga dito par el vento che el se fermesse e el ga dito al mar: “Basta! Tasi!” Cossita, el vento el se ga fermà e tuto l’è restà tranquilo. 40 E lu el ghe ga dito: “Parché sì tanto spauradi? Ancora no gavé gnanca un pochetin de fede?” 41 Ma lori i era tanto spauradi e i disea un al altro: “Saralo chi questo omo? Fin el vento e el mar i lo obedisse.”