1 Tessalonissensi

2 Valtri savé che ghemo sofrio e che i ne ga tratà mal in Filipo. Ma anca se ghen’era tanta oposission, Dio el ne ga giutà a gaver coraio par parlarve dele bone notìssie de Dio. 4 Ma, Dio el se ga fidà de darne el laoro de predicar le bone notìssie. Par quela, noantri parlemo, nò par contentar ai òmini, ma a Dio, che el vede quel che ghemo rento el cuor. 5 In fati, valtri savé che no ghemo mai dato lodi par gaver qualcossa indrio e gnanca ghemo fato come i fintoni che i vol guadagnar qualcossa. Dio lo sa! 6 Noantri no semo ndati in serca del onor dei òmini, gnanca de valtri, gnanca dei altri, ancora che podéssino domandar che valtri ne giutesse con soldi parché semo apòstoli de Cristo. 7 Al contràrio, noantri ve ghemo tratà con bontà, come una mare che la dà de ciuciar e la tende con amor dei so fioi. 8 Cossita, con granda afession par valtri, semo stati determinadi a nò sol portarve le bone notìssie de Dio, ma anca a darve tuto de noantri, parché amemo tanto a valtri. 11 Valtri savé pròpio ben come ghemo dato consìlio, consolo e incoraiamento a cada un de valtri, cossita come un pare el fà coi so fioi. 12 parche valtri seité a viver come ghe piase a Dio, che el ve ciama al so Regno e glòria. 13 Si, l’è par quela che noantri anca ringrassiemo sempre a Dio, parché quando valtri gavé ricevesto la parola de Dio, che gavé scoltà de noantri, la gavé acetà nò come la parola de òmini, ma come pròpio la ze, come la parola de Dio che la laora in valtri che credé. 17 Fradei, par poco tempo semo stati distante de valtri, ma nò nel nostro cuor. Èrino tanto premosi de vegner fin valtri che ghemo fato de tuto par vederve. 18 “Par quela, voleino ndar catarve. E mi, Paolo, go proà nò sol una, ma due volte. Ma Sàtana no’l ne ga assà ndar.” 19 Parché quala che la ze la nostra speransa, alegria o corona de orgòlio davanti del nostro Signor Gesù, nela so presensa? No sì pròpio valtri? 20 Sicuro che valtri sì la nostra glòria e alegria.