Ati dei Apòstoli

5 Quando Sila e Timòteo i ze ndati do dela Massedónia, Paolo el ga scominsià a predicar tanto la parola. Lu el dea testimònio ai giudei e el provea che Gesù l’è el Cristo. 9 E el Signor el ga dito a Paolo nte una vision de note: “No stà gaver paura, ma seita a parlar e no stà restar sito, 10 parché mi son con ti, e nissuni i ndarà atacarte par farte mal. Parché mi go tante persone in questa cità.” 11 Alora, lu l’è restà li un ano e sei mesi, intanto che el insegnea la parola de Dio a lori. 24 Un giudeo de nome Apolo, nassesto a Alessandria, che el savea parlar ben e el savea tanto sora le Scriture, l’è rivà a Efeso. 25 I ghe gavea insegnà sora la strada de Geovà e el parlea e insegnea sora Gesù con tanto zelo par via del spìrito. Ma el cognossea sol el batèsimo de Gioani. 26 Apolo el ga scominsià parlar con coraio ntela sinagoga e, quando Prissila e Àchila lo ga scoltà, i lo ga ciamà de banda par spiegarghe polito la verità sora Dio.