Efesi

13 Ve domando de nò desister par causa de quel che mi sofro par valtri, parché queste tribolassion le vol dir glòria par valtri. 14 Par quela, me indenòcio davanti del Pare, 15 parché gràssie a lu ghen’è tute le fameie nel cielo e nela tera. 16 Mi prego che lu, par via dela So granda glòria, el ve asse pi forte in quel che sì par rento, col poder del so spìrito. 17 Anca prego che, par via dela vostra fede, el Cristo el stae nel vostro cuor con amor. Che valtri gàpie le radise forte e sìpie ben firmi in questa fondassion. 18 Cossita, insieme a tuti i santi, valtri saré boni de capir del tuto quanto la ze larga, longa, alta e fonda 19 e de cognosser el amor de Cristo, che l’è pi importante de gaver cognossensa, cossita saré pieni dele qualità che Dio el ve dà. 20 De acordo col so poder che l’è in noantri, Dio el pol far pròpio tanto de pi de tuto quel che ghe domandemo o che podemo imaginar.