Salmi

37 No stà restar disgustà par via dei rugni gnanca stà mia gaver invìdia de quei che i fà el mal. 2 Lori i se secarà tanto svelto come la erba e i restarà fiapi come la erba nova. 3 Fìdate in Geovà e fà el ben. Vivi nela tera e sìpia fedele nele to assion. 4 Fà de Geovà la to pi granda alegria e lu el te darà quel che el to cuor el vol. 5 Assa la to vita nele man de Geovà. Fìdate in lu e lu el ndarà giutarte. 6 Lu el farà la to giustìssia slusar come la luce dela matina, e el farà la to giustìssia slusar come el sol de mesdì. 7 Resta sito davanti de Geovà e speta premoso el so aiuto. No stà restar disgustà quando qualchedun l’è bon de far le robe rugne che el gavea in testa. 8 Fermate de restar cativo e de inrabiarte. No stà restar disgustà e no stà far el mal. 9 Parché i òmini rugni i sarà destruti, ma quei che i speta in Geovà i gavarà la propietà dela tera. 10 Ancora un poco, e i rugni no i ghen sarà pi. Te vardarè ndove che i era, e no te li catarè. 11 Ma i mansi i sarà paroni dela tera, e i gavarà tanta alegria par via dela granda pace. 20 I rugni i ndarà morir. I nemighi de Geovà i ndarà sparir come la belessa dei pasti. Lori i ndarà sparir come la fumana. 22 Quei che Dio el benedisse i gavarà la tera, ma quei che lu el maledisse i sarà finidi fora. 25 Mi ero gióveno e adesso son vècio, ma mai go visto un giusto abandonà gnanca i so fioi drio ndar in serca de pan. 28 Parché Geovà el ama la giustìssia e no’l abandonarà quei che i ze leai a lu. Lu el ndarà sempre protègerli, ma i dissendenti dei rugni i sarà finidi fora. 29 I giusti i sarà paroni dela tera e i viverà par sempre nela tera. 34 Speta in Geovà e seghi la so strada, e lu el te esaltarà par gaver la propietà dela tera. Quando i rugni i sarà eliminadi, ti te vederè questo.