2 Cróniche

12 Ò nostro Dio, no te ndarè castigarli? Noantri no semo boni infrontar tuta questa gente che la ze drio vegnerne contra, e no savemo cossa far. Ma i nostri oci i varda driti a ti.” 13 Intanto che lu el parlea, tuti i òmini de Giudà i era davanti de Geovà insieme so done e so fioi, fin i picinini. 15 Lu el ga dito: “Sté atenti, tuti quei che i ze de star in Gerusalen, tuto Giudà e ti, rè Geosafà! Cossita dise Geovà: ‘No sté gaver paura gnanca resté spaventadi par tuta questa gente, parché la batàlia no la ze vostra, ma de Dio. 17 Valtri no gavaré de lotar in questa batàlia. Ciapé el vostro posto, sté fermi e vardé come Geovà el ve salvarà. Ò Giudà e Gerusalèn, no sté mia gaver paura e gnanca spaventarve. Ndé contra lori doman, e Geovà el sarà con valtri.’” 20 La matina dopo, i se ga levà su bonora e i ze ndati par el deserto de Tecoa. Intanto che i partia, Geosafà l’è restà in pié e el ga dito: “Scoltéme, Giudà e quei che i ze de star in Gerusalen! Gavé fede in Geovà, vostro Dio, cossita podé restar firmi. Fidve nei So profeti e tuto ve ndarà ben.” 21 Dopo de parlar col pòpolo, el ga scoliesto òmini par ndar davanti dei òmini armadi, che i cantesse a Geovà e i lo lodesse vestidi con robe sacre, e el ga dito: “Ringrassié a Geovà, parché so amor leal el dura par sempre.”