Salmi

7 Gavarò una granda alegria par causa del to amor leal, parché ti te vedi la me aflission. Ti te cognossi la me granda tristessa. 13 Mi go scoltà le brute robe che arquanti i ze drio dir sora mi, e quel che i dise me fà gaver tanta paura. Lori i se cata par parlar contra mi e par parlar de come i pol coparme. 14 Ma mi me fido in ti, ò Geovà. E digo: “Ti te sì el me Dio.” 15 La me vita la ze nele to man. Sàlvame dele man dei me nemighi e de quei che i me perseghe. 16 Che el to servo el gàpia la to aprovassion. Sàlvame par via del to amor leal. 21 Geovà el sìpia lodà. Parché el me ga mostrà de maniera maraveiosa el so amor leal quando ghen’era i nemighi intorno dela cità. 23 Amé a Geovà, tuti valtri che sì leai a lu! Geovà el protege quei che i ze fedeli, ma el ghe dà ai aroganti quel che i mèrita. 24 Tuti valtri che speté in Geovà, sìpie coraiosi e che el vostro cuor el sìpia forte.