Salmi

32 Felice l’è quel che Dio el scusa del so sbàlio e quel che Lu el perdona el so pecato. 2 Felice el omo che Geovà no’l ghe dà la colpa, che no’l ga imbroio nel so cuor. 3 Fin che mi ero cieto, i me ossi i se ga consumà parché mi me lamentea tuto el giorno. 4 Parché la to man la pesea sora mi di e note. Le me forse le se ga svamporie come àqua nel caldo seco del istà. 5 E alora te go confessà el me pecato. No go sconto el me sbàlio. Mi go dito: “Vao confessar i me sbali par Geovà.” E ti te ghè perdonà el me sbàlio e i me pecati. 6 L’è par quela che tuti quei che i ze leai i pregarà a ti intanto che ancora i podarà catarte. Cossita, gnanca le àque de una inondassion le rivarà a lori. 7 Ti te sì un posto par sconderme. Te me protegerè dela aflission. Ghen sarà osade de alegria intorno de mi parché te me ghè salvà. 8 “Farò che te sìpia bon de capir e te insegnarò la strada che te ghè de ndar. Mi te darò consili coi me oci atenti in ti. 9 No gavé de esser come el caval e el mul, che no i capisse, che bisogna domar el morbin col freno e cole rèdie par farli obedir.” 10 Tanti i ze i dolori dei rugni. Ma quel che el se fida in Geovà el ga intorno de lu el so amor leal. 11 Gàpie alegria par causa de Geovà e sìpie contenti, ò giusti. Osé de alegria tuti valtri che sì giusti de cuor.