Salmi

5 Parché ti, ò Geovà, te sì bon e te sì sempre pronto par perdonar. Ti te dimostri tanto amor leal par tuti quei che i te invoca. 6 Ò Geovà, scolta la me orassion e daghe atension ale me sùpliche quando te domando aiuto. 7 Quando go tante dificoltà, te suplico e son sicuro che te me risponderè. 11 Ò Geovà, inségname la to strada. Vao caminar nela to verità. Giùtame a temer el to nome con tuto el me cuor. 12 Mi vao lodarte de tuto el cuor, ò Geovà, me Dio. Vao dar glòria al to nome par sempre.