2 Cróniche

26 Alora, tute le persone de Giudà le ga scoliesto Uzia, che el gavea 16 ani, par esser rè nel posto de so pare Amazia. 2 Dopo che el rè Amazia l’è morto, Uzia el ga fato su nantra volta la cità de Elote e ghe la ga data indrio a Giudà. 3 Uzia el gavea 16 ani quando l’è deventà rè, e el ga governà par 52 ani in Gerusalen. So mare la gavea nome Gecolia e la era de Gerusalen. 4 Lu el fea quel che l’era giusto ai oci de Geovà, cossita come Amasia, so pare, el gavea fato. 5 Lu el ndea in serca de Dio nei giorni de Zacaria, che el ghe ga insegnà a temer el vero Dio. Intanto che lu el ndea in serca de Geovà, el vero Dio lo fea ndar ben. 16 Ma, dopo che l’è deventà forte, el so cuor l’è deventà arogante, par la so pròpia rovina. Lu l’è stà infedele contra Geovà, so Dio, parché l’è ndà rento el témpio par brusar insenso nel altar del insenso. 18 Lori i se ga metesto davanti contra el rè Uzia e i ghe ga dito: “No l’è permesso a ti, ò Uzia, brusar insenso a Geovà! Sol i sasserdoti i ga de brusar insenso, parché lori i ze i fioi de Aron, che i ze stati santificadi. Va via del santuàrio, parché ti te ghè fato una roba infedele, e no te ndarè ricever glòria dela parte de Geovà Dio par far questo.”