Rute

8 Alora Boaz el ga dito a Rute: “Scolta, me fiola. No stà ndar tor su quel che vansa in nantro campo, gnanca stà ndar par nantro posto. Resta darente dele me serve. 9 Stà atenta in che campo lore le ndarà tor su e va insieme. Go comandà ai me servi che no i te intrighe. Quando te ghè sen, va fin i giari e bevi la àqua che i me servi i ndarà tirar fora.” 11 Boaz el ghe ga rispondesto: “I me ga contà tuto quel che te ghè fato par la to sogra dopo che el to omo l’è morto, e che te ghè assà indrio to pare, to mare e la tera dei to parenti, e te sì vegnesta de star con gente che no te cognossei mia. 12 Che Geovà el te ricompense par quel che te fè, e che Geovà, el Dio de Israel, el te dae un salàrio perfeto, parché te sì ndata in serca de protession soto le so ale.” 13 Alora ela la ga dito: “Che mi gàpia la to aprovassion, me signor, parché te me ghè consolà e te ghè parlà de una maniera che ga assà la to serva tranquila, stesso che mi no son una dele to serve.”