Ésodo

15 In quela ocasion, Moisè e i israeliti i ga cantà questo càntico a Geovà: “Vao cantar a Geovà, parché lu el ga ricevesto tanto onor. El ga butà nel mar el caval e el so cavaliero. 2 Giah l’è la me forsa e el me poder, parché lu l’è la me salvassion. Lu l’è el me Dio e mi lo lodarò. Lu l’è el Dio de me pare e mi ghe darò onor. 6 Ò Geovà, la to man drita la ga tanto poder. Ò Geovà, la to man drita la pol far a tochi el nemigo. 11 Chi che intrà i dèi l’è compagno a ti, ò Geovà? Ghen’è qualchedun che l’è pi santo che ti? Ti te sì quel che ghemo de temer e lodar con càntichi, quel che el fà robe maraveiose. 12 Te ghè stirà la to man drita, e la tera li ga mandadi do. 18 Geovà el governarà par sempre. 20 Alora, la profetisa Mirian, sorela de Aron, la ga ciapà un tamburel, e tute le done le ze ndate insieme sonando i tamburei e balando. 21 Mirian la cantea, in risposta ai òmini: “Canté a Geovà, parché lu el ga ricevesto tanto onor. El ga butà nel mar el caval e el so cavaliero.”