Ésodo

3 No stà gaver altri dèi. Adora sol a mi. 4 “No stà far imàgine scolpida o una imàgine compagna a qualche roba che ghen’è su nel cielo o do nela tera, o nela àqua soto dela tera. 5 No stà indenociarte davanti de lore e gnanca servirle, parché mi, Geovà, el to Dio, son un Dio che vui la adorassion sol par mi. Son un Dio che el castiga i fioi, i neti e bisneti de quei che i me òdia, par via dei sbali dei pare, 6 ma anca che el mostra amor leal par mila generassion dei dissendenti de quei che i me ama e de quei che i obedisse ai me comandamenti. 7 “No stà doperar el nome de Geovà, to Dio, sensa rispeto parché Geovà el darà punission a quel che el dopera el So nome sensa rispeto. 8 “Ricòrdate de mantegner sacro el giorno de sabo. 9 Te ghè sei giorni par far tuti i to laori, 10 ma el sètimo giorno l’è un sabo par el to Dio, Geovà. No stà far gnanca un tipo de laoro, gnanca ti, gnanca to fiol, gnanca la to fiola, gnanca el to schiavo, gnanca la to schiava, gnanca el to animal domèstico e gnanca quel che l’è foresto che l’è de star rento le to cità. 11 Parché in sei giorni Geovà el ga fato el cielo, la tera, el mar e tuto quel che ghen’è, ma nel sètimo giorno, lu el ga riposà. L’è par quela che Geovà el ga benedio el sabo e lo ga fato un giorno sacro. 12 “Daghe onor a to pare e a to mare, cossita te ndarè viver tanto tempo nela tera che el to Dio, Geovà, el te dà. 13 “No stà copar. 14 “No stà far adultèrio. 15 “No stà robar. 16 “No stà dar testimònio falso contra el to pròssimo. 17 “No stà voler la casa del to pròssimo. No stà voler la dona del to pròssimo, gnanca el so schiavo, gnanca la so schiava, gnanca el so toro, gnanca el so mul, gnanca qualche altra roba che la ze del to pròssimo.” 19 Par quela i ghe ga dito a Moisè: “Parla ti con noantri, e te scoltaremo, ma che Dio no’l parle mia con noantri, se nò moriremo.”