1 Samuel

20 Davi el se ga levà su la matina bonora e el ga assà qualchedun tendendo dele piégore. Lu el ga parecià tuto e l’è ndà, pròpio come Gessè el ghe gavea mandà. 26 Davi el ga domandà ai òmini che i era darente: “Cossa che ciaparà el omo che coparà quel filisteo e finirà questa vergogna par Israel? Parché, chi zelo questo filisteo che no l’è sirconsidà e che el ga coraio de sfidar el esèrsito del Dio che el vive?” 28 Quando Eliabe, el fradel pi vècio de Davi, lo ga scoltà parlar coi òmini, l’è restà tanto cativo con Davi e el ghe ga domandà: “Cossa sito drio far qua? Con chi gheto assà quele poche piègore ntel deserto? Mi sò che te sì arogante e te ghè brute intension nel to cuor. Te si vegnesto sol par veder la batàlia!” 29 Davi el ghe ga dito: “Cossa go fato? Go solche domandà!” 33 Ma Saul el ga rispondesto a Davi: “Ti no te pol ndar a lotar contra questo filisteo. Te si solche un toso e lu l’è un soldà de giòveno.” 34 Davi el ga dito a Saul: “Mi son el pastor che el tende dele piégore de me pare. Quando l’è vegnesto un leon (dopo anca un orso) e el ga portà via una piégora, 35 mi son ndato drio e go ciapà la piégora dela so boca. Quando lu el me ga atacà, mi lo go ciapà par el còl, mi lo go fato mal e lo go copà. 37 E Davi anca el ga dito: “Geovà, che el me ga salvà dele sate del leon e del orso, el ndarà salvarme anca dela man de questo filisteo.” Alora, Saul el ga dito a Davi: “Và, e che Geovà sìpia con ti.” 44 Lu el ga dito a Davi: “Vien qua, e darò la to carne ai osei del cielo e ale bèstie de mato.” 46 Pròprio ancoi Geovà te metarà nele me man, e mi te vinserò e te taiarò fora la testa. Ancoi darò i corpi morti del esèrsito dei filistei ai osei dei cieli e ale bèstie cative dela tera. Alora tuti quanti i savarà che ghen’è un Dio in Israel. 47 E tuti quei che i ze riunidi qua i savarà che Geovà no’l salva cola spada e gnanca cola lansa, parchè la batàlia ze de Geovà, e lu el metarà tuti valtri nele nostre man.” 57 Alora, dopo de gaver copà el filisteo, Davi l’è tornà e Abner lo ga menà suito davanti Saul. Davi l’era drio tegner in man la testa del filisteo.